183-180-2015-378.html
Finanslov grønlandsk
379 / 634
40.90.02
kalaallit
illuinut tapiissutit (tapiissutitut aningaasaliissutit) missingersuutit immikkoortiterneri n 2010 ai 2011 ai 2012 m 2013 m 2014 m 2015 ---- 1.000 kr. ---- ---- mio. kr. ---- ilanngaaseereerluni aningaasartuutit 0 17.433 17.817 17,8 17,8 17,8 danmarkimi
kalaallit illuutaat imminnut ingerlattuupput, malittarisassallu namminersorlutik oqartussat danskillu tapiissuteqartartuisa akuerisaat malillugit aqunneqarlutik. namminersorlutik oqartussanut tunngasut assigiinngitsut pillugit inatsit nr. 474, 12. juni 2009-meersoq malillugu immikkut ikiorsiisarnissamik danmarkimi ingerlatsinissaq namminersorlutik oqartussat pisussaaffigaat. illut ilaatigut siunertaraat kalaallit danmarkimi ilinniarfinni ilinnialernisasmtu akuerineqarnissaasa isumaginissaat, kiisalu
ilinnialersussanut danmarkimi inissarsiornissaq meeqqanillu paaqqinnnittarneq pillugu siunnersuinissaq. odensemi århusimilu kalaallit illuisa namminneerlutik ilinniartunut inissiaateqarfimminni inissianik attartortitsisarneq isumagisarpaat. kalaallit illuini ilinniagaqarnersiutit aqunneqartarput, kiisalu ilinniartitaanermi ilinniartunut ataasiakkaanut ataatsimoortunullu siunnersuisarlutik. taamatuttaaq efterskolini, højskolini, aammalu danmarkimi inuussutissarsiutinut ilinniarfinni piffissami sivikinnerusumi ilinniartut kalaallit illuiniit isumagineqartarput siunnersorneqartarlutillu. tamatuma saniatigut kalaallit illui kalaallinut illoqarfimmi najugarisap eqqaani najugaqartunut inunnullu kalaallit nunaannut soqutigisaqartunut sunngiffimmi attaveqaataallutillu katersuuffiusarput, kiisalu kalaallit kulturiannik inuiaqatigiinnermullu tunngassuteqartunik paasisitsiniaasarlutik. tamanna atuarfinni, peqatigiiffinni, katersugaasivinni assigisaannilu ingerlanneqartarpoq. periaasiusartut tassaasinnaapput saqqummersitsinerit, oqalugiartitsinerit, ilinniartitsisunik tikeraartitsinerit, kiisalu atuarfinni atuaqatigiit illunut pulaartinneqartarnerat. kalaallit illui aamma danmarkimi kalaallit peqatigiiffiinit 24-iusunit katersuuffittut atorneqartarput, taamatullu avalak danmarkimi ilinniartut peqatigiiffiat illuni allaffinnik atugassinneqarsimalluni. illut isumaginninnikkut suliassarpassuaqarput, tassanilu assersuutigalugu isumaginninnikkut suliassat tassaapput kalaallit nunaanni isumaginninnikkut oqartussaasut suleqatigalugit danmarkimi suliassiissutit pillugit kalaallinik ammasumik siunnersuisarnissaq. kiisalu aqqusinerni ornigulluni sullissisoqartarpoq, aammalu najugaqarnissamut suliniutinik aallartitsisoqartarluni. taamatuttaaq pisortat oqartussaasut, nakorsat, napparsimmaviit, politiit assigisaallu oqalutseqarnissamut suliassiissutaannik isumaginnittoqartarpoq. kalaallit illui ilaatigut namminersorlutik oqartussat tapiissuteqartarnerisigut ilaatigullu kommunit kalaallit illuisa inissisimaffigisaasa tapiissuteqartarnerisigut ingerlanneqarput. siusinnerusukkut illut aamma danmarkimi amtinit tapiiffigineqartarput, kisiannili danmarkimi kommunini 379
997-kiisalu-912-380.html
