immikkut-790-103-373.html
Finanslov grønlandsk
374 / 634
40.10.15
atuarfimmi
nerisaqartitsineq (tapiissutitut aningaasaliissutit) missingersuutit immikkoortiterneri n 2010 ai 2011 ai 2012 m 2013 m 2014 m 2015 ---- 1.000 kr. ---- ---- mio. kr. ---- ilanngaaseereerluni aningaasartuutit 0 0 3.800 3,8 3,8 3,8 namminersorlutik oqartussat aamma kommunit
atuarfimmi nerisaqartitsineq ataatsimoorullugu aningaasalersussavaat. aningaasaliissutigineqartut immikkoortitanit kommunit qinnuteqarfigisinnaasaannit atugassanngortinneqassapput. aaqqissuussisoqassaaq namminersorlutik oqartussat kommunimit qinnuteqartoqarneratigut kommunip aningaasaliissutaasa amerlaqataannik aningaasaliisartussanngorlugit, allatut oqaatigalugu 50/50- imik aaqqissuussineq
malillugu avitseqatigiittoqassalluni. aaqqissuussineq 50/50-mik aaqqissuussinertut pilersinneqarpoq siunertaralugu kommunit tungaanniit annertuumik peqataasoqarnissaata sulissutiginnittoqarnissaatalu qulakkeerneqarnissaat, taakkumi atuarfeqarnermut pingaarnertut akisussaasuummata. taamaalillutik namminersorlutik oqartussat meeqqat atuarfiannut tunngasunut immikkut ittumik suliniuteqarput meeqqat atuarfianni atuartunut tamanut atuarfimmi nerisaqartitsinermik aaqqissuussinerup siuarsarneqarnissaa siunertaralugu, taamaalillutik atuartut naammattumik peqqinnartunik nerisalersinnaaqqullugit taamaaliornikkullu atuartitsineq aallussinnaanngorniassammassuk. aaqqissuussaanermik iluarsaaqqinnissaq atuarfimmi nerisitsisarnermut sunniuteqarsinnaavoq taamaalilluni kommunit tamakkiisumik aningaasalersuisussanngortitaasinnaammata. tapiissutinik qinnuteqarnermi tunaartarisassat, - atuarfimmi nerisaqartitsinermik aaqqissuussineq meeqqat atuarfianni atuartunut tamanut neqeroorutaavoq, - atuarfimmi nerisaqartitsinermik aaqqissuussineq ukiup atuarfiusup aallartinnerani aallartinneqassaaq, ukiorlu tamaat ingerlassalluni, - angajoqqaat akiliuteqarnissaat piumasaqaataanngilaq, - atuarfimmi nerisassat imarisaanni aallaavigineqassapput nerisassanik siunnersuutit qulit inuussutissat pillugit siunnersuisoqatigiit suliarisimasaat, - peqqinnartunik nerisaqartarnermik ilisimasat atuartitsinermut ilaatinneqassasut aamma - piffissap tapiissuteqarfigineqartup naanerani qinnuteqaateqartup nalunaarusiorluni immersuiffissaq nassiutissavaa. taamaallaat atuarfimmi nerisaqartitsinermut tapiissuteqartoqassaaq malitsigisaanik ingerlatsinermi aningaasartuutinut allanuunngitsoq, soorlu assartuinermut, pequtinut, aningaasarsianut assigisaannullu. 374
pillugu-aamma-ilinniarnertuunngorniarfiit-375.html
