000-qamutit-motoorillit-225.html
Finanslov grønlandsk
226 / 634
24.11.12
raajanut
akitsuutit (isertitatut aningaasaliissutit) missingersuutit immikkoortiterneri n 2010 ai 2011 ai 2012 m 2013 m 2014 m 2015 ---- 1.000 kr. ---- ---- mio. kr. ---- ilanngaaseereerluni isertitat -21.708 -20.000 -31.500 -31,5 -31,5 -31,5 raajanut akitsuutit pillugit inatsisartut inatsisaat nr. 20, 25. oktober 1990-imeersoq kingornatigut allannguutilik naapertorlugu inuit ingerlatseqatigiiffiillu raajarniarnissamut akuersiissummik pigisaqartut kalaallit nunaanni nalunaarsorsimasumik angallateqartut pisaat nunami kalaallit nioqqutissiorfiinut suliareqqitassatut tunineqanngitsut akitsuuserneqartussaapput. akitsuut procentitigut allanngorartuuvoq qaammatit pingasukkaarlugit naleqqersuut tunngavigalugu aalajangerneqartarluni raajat akitsuusigassat tunineqarnerminni
agguaqatigiissillugu
akiat aallaavigalugu. naleqqersuummi pineqarpoq qaammatini pingasuni ingerlasuni raajanut akitsuuserneqartunut kiilumut tunineqarneranni agguaqatigiissillugu akigitinneqartoq. naleqqersuut 2012-mi januaarimi kvartalimi raajanut akitsuummut tunngaviusoq 2010-mi oktobarimi kvartalimi kiisalu 2011-mi januaarimi, apriilimi juulimilu kvartalini raajanut akitsuuteqartussanut agguaqatigiissillugu kiilumut akigitinneqartoq tunngavigalugu aalajangersarneqarpoq. naleqqersuutip 2012-mi apriilimi kvartalimi tunngavigineqartup naatsorsornerani raajat akitsuusigassat kiilumut tunineqarnerminni agguaqatigiissillugu 2010-imi oktobarimi kvartalimi agguaqatigiissillugu tunineqarnerminni akiat atorunnaassaaq, taartigalugulu raajat akitsuusigassat 2011-imi oktobarimi kvartalimi agguaqatigiissillugu tunineqarnerminni akiat ingerlaqqissalluni. naleqqersuut 100,00-imut inissinneqarpoq raajat akitsuusigassat tunineqarnerminni kiilumut agguaqatigiissillugu 11,70 kr.-qartillugit. naleqqersuut ørimik ataatsimik iluarsineqartarpoq raajat akitsuusigassat tunineqarnerminni agguaqatigiissillugu akiat 11,70 kr.-nit qaangeraangassuk. raajanut akitsuut 0,01 procentimut aalajangerneqarpoq naleqqersuut 100,0855-iugaangat 0,01 procetimik qaffattarluni naleqqersuut 0,0855 procentimik tamatigut qaffakkaangat. raajat akitsuutaata annertussusia procentip qaffasissusiata il.il. saniatigut pisassat amerlassusiannit, nunamut tulaassisussaatitaanermit, akinit aningaasallu nalingannit sunnerneqartarpoq. 2012-mut naatsorsuutigineqarpoq kitaani raajanut pisassiissutit 124.000 tonsit missaannut aalajangerneqassasut, avataasiutinut 68.000 tonsit 52.000 tonsillu sinerissap qanittuani aalisartunut aamma 4.000 tonsit eu-mut kiisalu tunumi 12.400 tonsit taakkunannga 5.400 tonsit kalaallit nunaata pissaralugit. raajarniutit avataasiutit nioqqutissiornerat 2011-imisut 75%-inut aalajangerneqassasoq naatsorsuutigineqarpoq. piffissami aalajangersimasumi akigitinneqartut apparaluariarlutik qaffariartoqqilerput, taamaalillunilu 2012-mi agguaqatigiissillugu akitsuutit 4,00 procentiunissaat missingersuutaallutik. 226
000-inatsisartut-500-227.html
