455 / 634 ineriartortinnissaallu siunertarineqarpoq. aamma aqquserniornerit taaneqartuni takornariaqarnerup ineriartortinneqarneranut iluaqutaassapput. aqquserniornernut tapiissutit aalisarnermut, piniarnermut nunalerinermullu naalakkersuisoqarfimmit aqunneqassapput, taanna kommune kujallermut aningaasanik tunisisassaaq. naatsorsuutigineqarpoq, aqquserniornernik iluarsartuussinermi kommune kujalleq nammineq aningaasaatiminik akileeqataasassasoq. tamatuma kingorna aningaasat tamarmiusut pilersaarusiami ataqatigiissakkami atorneqassapput. aningaasanut pilersaarusiorneq aamma pingaarnersiuineq nunalerinermut siunnersortit nunalerinermillu siunnersuisoqatigiit isumasioqatigalugit ingerlanneqassaaq. suliniutinut taakkununnga assigiinngitsunut aningaasat annertoqataannik kommunip akiliuteqarnissaa naatsorsuutigineqartarpoq. nunalerinermik siunnersuisoqatigiinnut tunngatillugu sps peqatigalugu anguniagassatut isumaqatigiissutip suliarineqarnissaanik kissaateqarnerup kingorna, nunalerinermik siunnersuisoqatigiinnut allaffeqarneq siunissami aalisarnermut, piniarnermut nunalerinermullu naalakkersuisoqarfimmit isumagineqassaaq. nunalerinermik siunnersuisoqatigiinnut allaffeqarnerata isumagineqarnissaanut aningaasat
