479 / 634 tunisassiat nutaaliorfiusut siuarsarnissaat eqqumiitsuliallu tunineqarsinnaanissaat siunertaralugu misigisassaqartitsiviit kiisalu sanalukkanik eqqumiitsulianillu tunisassiornerup ineriartortinnissaat nukittorsarniarlugit aningaasanik immikkoortitsisoqarpoq. suliarineqartussat ilaatigut kommunini nunap immikkoortuini nukissat ineriartortitsivigineqarsinnaasullu sammineqarnissaat pillugu ilungersuuteqarnermi takornariartitsinermut inuussutissarsiutinullu siunnersuisarfinnut pilersinneqarsimasunut ataqatigiissaarneqarsinnaapput taamaaliornikkut suliarineqartartut sapinngisamik pitsaanerpaamik sunniuteqarnissaat anguniarlugu. assassorluni kusanartuliornermut sanaluttarnermullu tunngatillugu ineriartortitsiniarluni suliniutit ingerlanneqarnissaannut suliffinnik suliffeqarfinnilluunniit arlaliusinnaasunik kiffartuunneqarnissamik naalakkersuisut isumaqatigiissuteqarnissaminnut periarfissaqarput. branding greenlandip pisortat namminersortullu suleqatigiinnerisigut ataatsimoortumillu aningaasaliinikkut avammut niuernermut, takornariaqarnermut aningaasaliinernut, aaqqissuussinernut, kulturimut kalaallillu nunaata nunani tamalaani naalakkersuinikkut anguniagaanut iluaqutaasumik kalaallit nunaata nunani tamalaani piffissaq ungasinnerusoq isigalugu nittarsaanneqarnissaa suliassaraa. konto pingaarnermi matumani aningaasaliissutit 2012-imiit 115.
